ЗА ТЕБЕ
Секој може да вежба јога, освен оние кои ги мрзи да дојдат на час. Јогата е за секого, а најмногу за оние кои велат дека не можат да седат мирно и кои велат „јога не е за мене“. И јогата е токму за оние кои не се флексибилни.
На часовите се вежбаат асаните од прва и втора серија од Аштанга винјаса системот, секогаш адаптирани според нивото на практикантите. Крајот на часот се завршува со кратка пранајама и долга шавасана.
Иако Аштанга јогата важи за динамична јога и има стигма дека е „само за силни и флексибилни“, искуствено, аштанга може да вежба секој, бидејќи на часовите секогаш во преден план се практикантите пред асаните.
групни часови
- пон./среда; вт./чет
- 17:15-18:30
- Maкс. 15 лица
- Pure studio
- вт./чет
- 07:45-09:00
- Maкс. 15 лица
- Фиткултура
- Водени аштанга винјаса часови за почетници и напредни. Секоја полна месечина - јин јога часови и мајсор часови по договор петок или сабота
Групните часови ги создаваме со заедничка енергија и на крајот се обидуваме да си заминеме со насмевка во очите и радост за споделеното време. Секоја асана може да се адаптира, секој практикант може да застане и да земе дополнително дишење, да се одмори во balasana да добие упатства за изведба на асаните, а колективната енергија на часот мотивира и инспирира за секој да го изнесе најдоброто од себе.
Mysore часови
- петок или сабота, по договор
- 17:15-19:30 или 08:00-10:00
- Maкс. 15 лица
- Pure studio
- вт./чет
- 07:45-09:00
- Maкс. 15 лица
- Фиткултура
- Секој вежба сам, а сите вежбаат заедно
Мајсор часот не е „класичен“ групен час каде се вежба синхронизирано под водство на инструкторот, туку секој практикант ја вежба својата серија (цела или скратена), во сопствено темпо, со индивидуално водство и асистенции од инструкторот.
online часови
- пон./среда
- 07:15-08:15
- Zoom
- Водени аштанга винјаса часови за почетници и напредни. Мајсор часови по договор.
Брзото време и можноста да се поврземе на далечина се предност на овие часови, кои ми се многу драги. Го отвораме личниот простор дома, практикантите даваат дозвола да бидат набљудувани и водени, и се создава убава конекција на индивидуална-групна пракса. На часовите практикантите добиваат усни лични упатства за изведба на асаните, а ја искусуваат и групната динамика и заедничката енергија.
индивидуални часови
- по договор
- по договор, времетрање 1h15'-1h30'
- од 1 до 5 лица
- студио или по договор
- Јога часови - аштанга, хата, јин
Индивидуалните часови се по договор и прецизно адаптирани според потребата и нивото на практикантите. Предноста на овие часови е постепеното темпо за развој на праксата, учење на системот во рамки на сопствените способности и одлична можност за поставување на основите на редовна лична пракса.
соработки
- по договор
- по договор
- од 1 до 10 лица
- природа; студио; локација по договор
- Јога работилници
Можност за соработка на еднократни проекти во помали и поголеми групи, со деловни субјекти или приватни лица.
Организирање на часови во природа или на место погодно за групата.
Часовите може да се адаптираат како дел од тематски работилници, или како самостојни работилници за јога техники за работа на тело-ум.