ВЕЖБАВТЕ ЛИ ДЕНЕС
„Вежбавте ли денес“ е повик да се поддржиме и мотивираме заедно да практикуваме јога или било која активност која ќе ни даде простор да дојдеме „Дома“ – зад бучавата на градот, зад бучавата на мислите.
Овој повик и прашање почна од октомври 2024 со споделување кратки видеа од мојата утринска јога пракса, а овој онлине простор е моето дома да го споделувам сето она што низ годините го собирав по патот на јога праксата кој за мене почна во 2005 година.
Тука споделувам делови од тој пат – верувања и увиди за јогата, движењето, природата, планините, свесноста, музиката, книгите и филмовите, философијата и сите мали нешта што ја хранат душата.
ЗА МЕНЕ
Практикувам јога од 2005 год. почнувајќи со јога философија и медитации, а од 2016 со редовна Аштанга винјаса пракса. 2017/2018 завршив обука за учители и од 2018 активно држам часови по јога.
Јогата е моето секојдневие. Редовната асана пракса е корисна за одржување на виталноста, која по некое време станува и медитација во движење. За мене јогата е медитативната состојба на присутност која може да ја доживееме насекаде околу нас, начин да се слушне тишината и да се живее со повеќе свесност.
Она што се трудам да го пренесам на часовите е мојата љубов кон јогата и наоѓање на простор – во телото, во умот, во животот. Простор каде можеме да се сретнеме со себе, со другите, да слушнеме и видиме што навистина има позади. Како што вели Малиот Принц, она што е важно е невидливо со очите. Вистински се гледа само со срцето
ЗА ТЕБЕ
Часови по Аштанга винјаса јога за почетни и напредни практиканти.
Аштангата е основна азбука за сите типови динамична асана јога пракса. Техниките на дишење, фокусот и убавината на системот се апликативни во секој тип на час – групен, индивидуален или онлине.
Собираното искуство низ годините од различни системи на физичка пракса (спорт, пилатес, таи-чи, тибетански ритуали, хата јога, јин јога) се „зачин“ на часовите кои ја збогатуваат праксата на матот.
Групни часови
Групните часови ги создаваме со заедничка енергија и на крајот се обидуваме да си заминеме со насмевка во очите и радост за споделеното време.
пон/ср 17:15
вт/чет 17:15
Online часови
Брзото време и можноста да се поврземе на далечина се предност на овие часови, кои ми се многу драги
пон/четврток 07:15
Индивидуални часови
Индивидуалните часови се по договор и прецизно адаптирани според потребите и нивото на практикантите
#vezbavtelidenes
Чиста, стабилна и искрена Аштанга пракса. Прецизно водство, чувство за ритам, вистинска грижа за ученикот и во сала и онлајн. Среќна сум што делиме исто студио 🤍
После долги часови седење пред компјутер, стоење во место и трчање наоколу, аштанга праксата со Наде помага да се крцнат тие закржлавени делови од телото и умот што го носат теретот на секојдневието. Низ совети и примери, Наде нѐ враќа во своја природна форма каде никој всушност не нѐ брза и здивот течи природно (освен кога ќе ни зареди винјаси 🙂). Мисла што ми останала и ја практикувам од праксите е дека суштината не е да се „истрчаат“ асаните, туку целосно да се препуштиме на движењето и да се почувствуваат вежбите. Благодарна за праксата што ја дели со нас. На здравје!
Наде е единствениот инструктор што од антиталент може да направи заменик инструктор. Благодарение на трпението, вниманието, посветеноста и стручноста, Наде разбуди во мене љубов кон вежбањето што трае и по дваесет години (по пилатес часовите 2005). Тренирајќи со Наде, стануваш не само физички, туку и ментално посилен и посмирен. Тоа што Наде континуирано ги турка границите на својата физичка спремност само уште повеќе те инспирира ако ја имаш за учител ❤️
За мене нема поубаво нешто од јога. Затоа кога Наде почна да држи онлајн часови наутро, на мојата среќа и немаше крај! Нема подобро нешто од тоа денот да го почнеш со јога пракса. Фала ти Наде, однапред се радувам на секој час ❤️
Посетувам групни Ashtanga Yoga часови со Наде веќе 3 години. Иако целта на почетокот ми беше физичка активност и замена за пилатес, од часовите на Наде и практикувањето Yoga добив многу повеќе. Релаксирање на телото со помош на физичка активност и релаксирање на мислата со фокусирање. Наде е идеален наставник за јога, со својот ненаметлив тон, успева да одржи завидно ниво на интензитет, а во исто време да даде јасна порака и насока за секој индивидуално да си го води телото и умот. Топло препорачувам.
Барајќи присутност во секоја секунда (mindfulness) почнав да вежбам Јога. По препорака отидов во PURE и ја запознав Надица – сериозна, не многу говорлива инструкторка по Јога вљубена во планини, спорт и неверојатно исполнителна. Не знаев што е Аштанга јога, a ни сега не знам, но имам голема желба под нејзино водство да напредувам. Подолго време вежбам и немам намера да се откажам. Она што ме мотивира се можеби ендорфините после час или чувството на мал напредок со секоја недостапна поза која успевам да ја направам, благодарение на упатствата кои ги добивам од неа, особено за мали поместувања и „финти“ кои значително го олеснуваат вежбањето. Флексибилниот распоред на часови кој го нуди ми дава можност да не пропуштам час.
Убавото кај јога часовите што ги држи Надица, е што покрај телото се вежба и умот. Се вежба дисциплина на мускулите, но и се разбркува и вревата од секојдневието од главата - оставајќи тишина и простор да си го чуеме телото. Одам на часови веќе цела година, нередовно, поради работни обврски, но дури и за непостојани вежбачи како мене, Надица секогаш успева да најде место во групите, и да ме пречека со пријатна атмосфера, да не се почувствувам како дојденец во веќе разработената група. Топло ја препорачувам, и за новајлии и за искусни вежбачи.
So, I’m giving myself a big thumbs up for listening to my intuitions. Three times I went to the studio and back, till I met her 🫶 it’s a good thing she has her number on this page now 😃. Stiff in my joints and hard in head she saw and helped all she could do she did, during the individual yoga sessions, with simplicity and wisdom. Patiently she thought with honesty, again and again till I finally found my breaths’ rhythm on my own mat. Again, Grateful I listened to my intuitions. 🫶🙏😃☮️
I absolutely love the morning session with Nadica. ☺️ And the kitty cat 😻 Her classes are always guided with empathy and a wonderful sense of humour. Through her thoughtful and detailed mentorship, I've made real progress in my ashtanga practice, especially by gaining a deeper understanding of the breakdown of movements I thought I already knew, but i discovered I could refine much more. Her classes offer a safe space for exploration, where your practice is welcomed just as it is, no matter how your body feels on a given day, while her subtle thoughtful guidance encourages you to push a little further, effortlessly and with ease.
Почнав на јога „само да пробам“… и еве ме сега веќе две години – редовна и смирена (барем малку повеќе од претходно😄). Се тоа е заслуга на Наде која е супер, смирена и многу посветена. Во исто време знае точно кога да те насмее и кога да те натера да издржиш уште едно дишење. Часовите се секогаш јасни и пријатни, а атмосферата е таква што забораваш на стресот уште на самиот мат. Ако мислиш дека „не си ти за јога“ – дојди кај неа и ќе се предомислиш 🙃